MARÍA DO CEO "A FADISTA" : "CON BÁGOAS NA ALMA"

María naceu e creceu artisticamente no fado e a el segue dedicando a súa vida artística.Sente e comunícao con entrega e alma, até o punto de converterse nunha dás súas voces máis respectadas. Agora  presenta o seu novo disco "A Fadista", que fai o número 14 dunha carreira discográfica, que comezou en 1997 coas súas "Cartas de Amor.

Esta cantante portuguesa de nacemento e ourensá de vivencias, que ten a súa "alma" empapada  de sentir portugués e  a dozura natural do idioma galego, está en plena madurez artística, asentada  no transcurso do seu camiñar humano e artístico no que deu cumprida mostra da súa arte durante unha sólida carreira con itinerario internacional, asperxida con premios e  encomiásticos recoñecementos, na que "a súa voz que acariña", en directo o nos seus discos, é capaz de facer que o público se mergulle  emocionalmente e de inmediato nun ambiente musical presidido por unha beleza artística , é o don da súa voz, engalanada por unha humildade, que é a verdadeira esencia da súa persoa .

Agora María do Ceo presenta o seu novo disco "A Fadista". Un título  elixido cun obxectivo concreto : "que fosen  fados cos que sente identificada ". 

E xunto a eles cancións en galego que conviven nun espazo emocional no que as texturas sonoras expresan sentimentos compartidos. 

Cando ela canta, faio con "Bágoas na alma", esas que emanan da emoción, e se balancean entre a nostalxia, a melancolía, a dozura, a paixón e a tenrura. , sendo capaces de provocar un "congoxa sensitiva" con fluxos e refluxos que alivian os "quebrantos da alma" coas alegrías dos temas populares.

Tanto se canta  fados, fados cancións, coma se navega por temas  populares provoca e transmite un vaivén musical  que produce unha sensación pracenteira na súa escoita

Gravado nos estudos "E Disco" da Estrada acompañan a María do Ceo, Alex Salgado (guitarra portuguesa), José Salgado (guitarra española), Fernando Campòs (baixo) e Kinhos Saburido (percusión)  que adornan e dan un colorido instrumental a este disco, "xenuíno" tanto vocal como musicalmente que remove o fluír das emocións.